مشيت أسولف وراحت سنيني * 

العمر يمضي والزمن صار مطبوق # 

زمنٍ تغيرتْ فيه الموازيني *

وصار به راعي العقل مطفـوق 

يا ناشدي ما ودي إنك تحاكيني

لكن خذ كلام أكيدٍ وماثوق

هذا أنا كذا ربي مسويني

أدور الحشمه وأنشد عن الذوق

أمشي دروبي وأنا مضيع عناويني

ما لقيت إلا باب قديمٍ ومطروق

سألت ولا لقيت اللي يقديني

الناس واجد بس ما فيه منطـوق

خيم عليهم صمت من يسار ويميني

وصارعادي ما تسمع حس مخلوق

مشيت أسولف وراحت سنيني

العمر يمضي والزمن صار مطبوق

زمانٍ تغيرتْ فيه الموازيني

وصار به راعي العقل مطفوق

تبعد بي الخطوه واتباعـد براهيني

وما بين مخطي ومقدي فرق وفروق

يا مـساير الدنيا وتارك الديني

اللي أحتمى بالدين من النار معتوق

لكن قليل اللي بدينه يعنيني

الدين قـل والحياء ماله عـروق

همك سرابك وهمي اليوم طاويني

والليل طول ولامن نية شروق

أطلب تمنى كان ودك تخاويني

وأروح أنا وياك اليوم للسوق

ونشوف ملابس بعينك وعيني

ملابـس كلها فتحات وشقوق

وتشوف ثوب ماله إيديني

ظايع كمه وعلى البطن مفتوق

وثوب شفاف وكل شيٍ يبيني

ما يستره لو حط طرحته فوق

يا ناشدي ما شاقني لابسات الفسـاتني

ولا شاقني ثوب على الصدر مشقوق

أبي شي بالحيل بالحيل يغريني

القابه الحـشـمه والقابه الذوق